Në një prej fotove, Donaldi shfaqet duke realizuar një selfie gjatë një aktiviteti në det, ndërsa pranë tij është djali i Borës dhe në sfond vetë moderatorja.

Postimi është shoqëruar vetëm me simbolin e diellit, pa asnjë referencë për situatën profesionale që po komentohet aktualisht në media.

Ky është aktiviteti i parë publik i Zemanit pas lajmit se bashkëpunimi i saj disavjeçar me Top Channel ka përfunduar. Deri tani, ajo nuk ka dhënë një version të sajin për largimin dhe as nuk ka zbuluar se ku do ta shohë publiku sezonin e ardhshëm.

Ndërkohë, në media dhe rrjetet sociale vijon të përflitet mundësia që Bora të kalojë në Vizion Plus dhe t’i besohet drejtimi i “Ferma VIP Club”. Megjithatë, një lëvizje e tillë ende nuk është konfirmuar zyrtarisht.

Për momentin, moderatorja duket se ka zgjedhur të qëndrojë larg diskutimeve për të ardhmen e saj televizive, duke ndarë me ndjekësit vetëm momente nga ditët e pushimit me familjen.