Ministria e Shëndetësisë bën me dije se stafi mjekësor i Spitalit Universitar të Traumës reagoi menjëherë, duke koordinuar situatën me ekipin e Maternitetit “Koço Gliozheni”. Mjekët e Traumës i ofruan gruas kujdesin e nevojshëm dhe menaxhuan situatën deri në mbërritjen e ekipit të specializuar të maternitetit.

Falë ndërhyrjes në kohë, bashkëpunimit mes ekipeve mjekësore dhe koordinimit ndërinstitucional, nëna dhe foshnja ndodhen në gjendje të mirë shëndetësore.

Ministria e Shëndetësisë thekson se prioritet i strukturave shëndetësore mbetet siguria dhe shëndeti i pacientëve, përmes ndërhyrjeve në kohë dhe në përputhje me protokollet mjekësore.