Përmes një postimi në Instagram Story, ai ka publikuar videon e momentit kur Gjesti i hodhi në pishinë zinxhirin me kryq të Jozit.

Duke e parë sërish skenën, G Bani ka pranuar se sot e sheh ndryshe situatën dhe ka shprehur pendesë për qëndrimin që kishte mbajtur në atë kohë.

“Sa sulm i ulët kundër Jozit! Më vjen turp që i dola kundër Jozit për shpullën atëherë. Për Krishtin betohem që nuk e kisha shiku’ këtë video”, shkroi ai.

G Bani ka kundërshtuar gjithashtu pretendimin se Jozi kishte kaluar kufijtë duke ofenduar fenë, duke shtuar: “Si mund të thotë Neda që ke shkel këto kufij, kur Jozi kurrë nuk ka ofenduar fenë e askujt?! Më fal, Joz!”

Reagimi i tij vjen në një moment kur Jozi ndodhet në arrest shtëpie në lidhje me çështjen me Eduart Kuçin.

Me këtë postim, G Bani ka bërë të qartë se vazhdon të mbështesë Jozin dhe se tashmë është penduar për mënyrën se si kishte reaguar ndaj tij gjatë kohës së qëndrimit në BBVA4.