Por këtë herë nuk bëhet fjalë për jetën sentimentale të aktorit. Visjani ka përdorur humorin për të njoftuar se ka vendosur të ndahet nga makina e tij dhe ta nxjerrë atë në shitje.
“Ka ardh momenti për divorc. Makina ime do një tjetër”, ka shkruar aktori krahas fotografisë së automjetit.

Për të mos lënë shumë vend për interpretime, ai ka shtuar më poshtë edhe fjalën “Shitet”, duke zbuluar kështu arsyen e vërtetë të postimit.

Me batutën karakteristike, Visjani e ka trajtuar shitjen e makinës sikur të ishte fundi i një marrëdhënieje, ndërsa “një tjetër” në këtë rast është pronari i ri që aktori po kërkon për automjetin.

Postimi ka marrë vëmendje pikërisht për mënyrën se si Ukcenaj zgjodhi ta bëjë publik njoftimin, duke e kthyer një shitje të zakonshme makine në një batutë për ndjekësit e tij.