Afera e AKSHI-t “djeg” Lorena Goxhobollellin, fletë-arresti në tryezën e SPAK, drejtoresha e Kadastrës ka rënë në përgjime me Agasin, ja pazaret me tjetërsimin e pronave

Arrestimi i bujshëm i Ergys Agasit më 26 gusht shënoi goditjen më të rëndë ndaj një prej rrjeteve më të fuqishme hije të pushtetit, por prapa dyerve të mbyllura të Strukturës së Posaçme Kundër Korrupsionit dhe Krimit të Organizuar (SPAK), stuhia sapo ka nisur. Në qendër të këtij cikli goditës është dosja e kopsitur e zyrtarëve të lartë që vunë në dispozicion të gjithë aparatin shtetëror për t’i shërbyer perandorisë financiare të Agasit.