Sipas raportimeve, Hati është përmendur mes personazheve që pretendohet se shfaqen në disa regjistrime të realizuara në zyrën e Agasit. Megjithatë, në materialet e publikuara nuk janë paraqitur prova që e lidhin atë me ndonjë veprimtari të paligjshme.

Pas publikimit të lajmeve, Hati ka reaguar përmes një videoje në Instagram, ku shprehu revoltën për mënyrën se si është përfshirë emri dhe imazhi i saj.

“Unë nuk e kuptoj që nuk ju ec lajmi pa vënë fytyrën time ose emrin tim, se doni me hangër bukë në kurriz tim. Po na keni qarë kokën, na keni lodhur trutë”, u shpreh ajo.

Më tej, Hati kërkoi që për pretendimet e publikuara të bëhen publike edhe provat përkatëse.

“Ku i keni provat? Nxirrni provat. A keni Zot apo s’keni? Nuk ju marr vesh”, tha ajo.

Deri tani, reagimi i Hatit përbën kundërshtimin e saj publik ndaj mënyrës se si është përmendur në këto raportime. Përfshirja e emrit të saj në një material apo takim, në mungesë të provave të tjera, nuk dëshmon në vetvete për ndonjë shkelje ligjore.