Tozaj pretendon se ka përjetuar personalisht një situatë ngacmimi nga ana e Gjebreas, por nuk ka dhënë detaje konkrete për kohën, rrethanat apo natyrën e incidentit të pretenduar.
“E frikshme. Ardit Gjebrean, nënën mbretëreshë mos ma luani… Prisni. Kam pasur vetë fatin ta provoj ngacmimin e tij dhe e di vetë se çfarë do të thotë, kështu që… kohën e vet”, është shprehur Tozaj.
Përmes kësaj deklarate, gazetari la të kuptohet se mund të ketë të tjera detaje për të zbuluar në vijim, pa dhënë një afat apo informacion të mëtejshëm.
Deri tani, bëhet fjalë për një pretendim të bërë publik nga Tozaj, i cili nuk është shoqëruar me hollësi që të mundësojnë verifikimin e tij.
Mbetet për t’u parë nëse ai do të bëjë sqarime të tjera dhe nëse Ardit Gjebrea do të reagojë lidhur me deklaratën.
Be First to Comment