Zakonisht, vajzat largohen nga fshati kur arrijnë moshën madhore, dhe burrat që punojnë në qytetet përreth kthehen vetëm për fundjavë. Për shkak të mungesës së burrave, gratë e reja kanë lëshuar një apel, duke i nxitur të gjithë të shpërngulen në fshatin e tyre në mënyrë që të kenë mjaftueshëm burra për të përmbushur nevojat e tyre.

Fshati është shtëpia e rreth 600 grave, shumica e të cilave janë të moshës 20 deri në 35 vjeç, dhe burrat vendas nga qytetet përreth i përshkruajnë ato si “zonja me bukuri mbresëlënëse”. Megjithatë, këto bukuroshe nuk kanë me kë të martohen. Të vetmit burra atje janë ose të martuar ose të afërm të tyre. “Ne jemi të gjithë me të njëjtin gjak, prandaj nuk kam puthur një burrë për një kohë të gjatë”, thotë 23-vjeçarja Nina.

Kjo është arsyeja pse vajzat vendosën t’i ftonin të gjithë beqarët e interesuar të jetonin në fshatin e tyre. Por shumë përfaqësues të seksit të fortë kanë frikë të shkojnë në një vend ku mbizotërojnë rregullat e grave. “Ne jetojmë në harmoni. Kur nuk ka burra, jemi shumë më të qeta, sepse përpiqemi ta zgjidhim çdo konflikt me pëlqim të ndërsjellë”, thotë 49-vjeçarja Rosana.

“Por unë ëndërroj të bie në dashuri. Ne duam ta vazhdojmë jetën time këtu, jo të largohemi nga fshati për të gjetur një burrë. Për këtë, ne po kërkojmë burra që janë të gatshëm të lënë pas jetën e tyre dhe të bëhen pjesë e jona”, shtoi Nina.