Në një postim në rrjetet sociale, Veliaj ka shkruar: “Urime studentëve për rrëzimin e makiavelistit dhe populistit të Beogradit!”, duke iu referuar zhvillimeve politike në vendin fqinj.
Por vëmendje ka tërhequr edhe pjesa tjetër e mesazhit të tij, ku ai flet për rëndësinë e lëvizjeve dhe protestave studentore dhe për mënyrën se si politika duhet t’u përgjigjet kërkesave të brezit të ri.
“Lëvizjet dhe protestat studentore nuk janë ‘fundi i botës’, por fundi i ‘një bote’. Sa më shpejt ta kuptojmë këtë si qytetarë e politikëbërës, aq më mirë do të dimë t’u përgjigjemi nevojave dhe pritshmërive të kësaj gjenerate”, shprehet Veliaj.
Deklarata vjen në një kohë kur edhe në Shqipëri studentët kanë dalë në protesta kundër qeverisë së Edi Ramës. Për këtë arsye, fjalët e kryebashkiakut janë interpretuar si një mesazh që mund të lexohet edhe në kontekstin e zhvillimeve politike në vend.
Megjithatë, Veliaj nuk e ka përmendur drejtpërdrejt Ramën në reagimin e tij, ndaj mbetet e paqartë nëse mesazhi synon të jetë një koment i përgjithshëm mbi protestat studentore apo një kritikë e tërthortë ndaj situatës politike në Shqipëri.Postimi ka rikthyer vëmendjen te roli i protestave studentore dhe te mesazhi i Veliajt se politika duhet të dëgjojë kërkesat dhe pritshmëritë e brezit të ri.
Be First to Comment