Gjithçka nisi teksa Adriani dhe Fatlumi po debatonin me Zojën.

Kjo e fundit iu drejtua Adrianit, duke i kujtuar një koment që, sipas saj, ai ia kishte bërë një ditë më parë.

“Hiq më larg, dje më the ‘shitesh për Prime’. Qysh shitesh për Prime?”, u shpreh Zoja, duke iu referuar fjalëve të Adrianit.

Ky i fundit reagoi duke i thënë se po i dilte maska dhe se nuk kishte respekt.

Ndërsa Zoja e pyeti nëse e dinte se çfarë do të thoshte të shiteshe, duke kundërshtuar akuzën e tij.

Por, përplasja nuk përfundoi me kaq. Debati vazhdoi edhe më vonë në dhomën e gjumit, ku këtë herë Zoja u përfshi në një diskutim me Fatlumin.

Gjatë bisedës, Fatlumi e quajti atë fëmijë, duke iu referuar edhe moshës së saj prej 35 vjetësh.

Kjo nxiti reagimin e Zojës, e cila e pyeti se çfarë lidhjeje kishte mosha me diskutimin që po zhvillonin.

“Ah, tash po më kapesh për moshë? Pse, çfarë lidhjeje ka që i kam 35 vjet?”, iu drejtua ajo.

Fatlumi, nga ana tjetër, këmbënguli se Zoja kishte shumë më tepër përvojë se ai, ndërsa më pas i tha se po dilte keq para kamerave.

Përplasjet mes banorëve u shoqëruan me akuza dhe ofendime të ndërsjella, duke e tensionuar edhe më shumë situatën në shtëpi.

/Prive By LS