Pasi videoja u përhap me shpejtësi në rrjetet sociale, Ministria Egjiptiane e Shëndetësisë ka nisur një hetim administrativ për të verifikuar nëse sjellja e dentistes është në përputhje me etikën profesionale dhe standardet që duhet të respektojnë punonjësit e shëndetësisë.

Videoja ka ndarë opinionin publik në dy kampe. Një pjesë e përdoruesve të rrjeteve sociale e kanë konsideruar kërcimin si një moment spontan dhe argëtues, duke argumentuar se edhe mjekët kanë të drejtë të shfaqin anën e tyre njerëzore.

Nga ana tjetër, kritikët vlerësojnë se një sjellje e tillë nuk i përshtatet një ambienti mjekësor dhe mund të cenojë seriozitetin e institucioneve shëndetësore, si edhe imazhin e profesionit të dentistes.

Ndërkohë, autoritetet pritet të dalin me një përfundim pas përfundimit të hetimit administrativ, ndërsa videoja vijon të qarkullojë gjerësisht në rrjetet sociale dhe të gjenerojë mijëra komente.