Kur do të merren pagesat e reja për personat me aftësi të kufizuara? Pas miratimit të VKM-së, Shërbimi Social jep sqarimin

Shërbimi Social Shtetëror ka dalë me një sqarim për zbatimin e vendimit të Këshillit të Ministrave, të miratuar më 22 korrik, që parashikon ndryshime në përfitimet për personat me aftësi të kufizuara dhe ndihmësit e tyre personalë.

Sipas institucionit, edhe pse vendimi është miratuar më 22 korrik, ai hyn në fuqi me efekt financiar nga 1 korriku 2026. Kjo do të thotë se duke nisur nga 1 gushti, përfituesit do të marrin pagesën sipas vlerave të reja, së bashku me diferencën që u takon për muajin korrik.