Grabisnin vila luksoze në Spanjë, arrestohen tre shqiptarë të dyshuar si pjesë e një bande grabitësish

Tre persona me origjinë shqiptare janë arrestuar në Spanjë, pasi dyshohen se janë pjesë e një organizate kriminale që kryente grabitje në vila luksoze në zona rezidenciale me të ardhura të larta.

Operacioni është zhvilluar nga Guardia Civil në Ishujt Balearë, ku tre të dyshuarit u ndaluan në kuadër të aksionit të koduar “Congre”, të zhvilluar më 15 korrik nga Njësia e Policisë Gjyqësore.

Sipas autoriteteve spanjolle, të arrestuarit dyshohen për veprat penale të pjesëmarrjes në organizatë kriminale, vjedhje me forcë në banesa të banuara dhe falsifikim dokumentesh.