Tatimet i shkuan për kontroll, punonjësit e resortit mbyllin inspektorët brenda, pesë të arrestuar

Një incident i rëndë ka ndodhur gjatë kontrolleve rutinë të Task Forcës së Drejtorisë së Përgjithshme të Tatimeve, duke çuar në prangosjen e pesë personave. Policia e Kavajës njoftoi se ka arrestuar në flagrancë administratorin dhe katër punonjës të një resorti në Golem, pasi këta të fundit kanë mbajtur peng brenda ambienteve të biznesit inspektorët tatimorë.

Mbajtën të mbyllur, për një kohë të konsiderueshme, brenda ambienteve të një resorti në Golem, punonjësit e Task Forcës së Drejtorisë së Përgjithshme të Tatimeve, vihen në pranga administratori dhe 4 punonjës të tjerë të resortit.