Pas misionit njohës në Gaza, Shqipëria nis angazhimin/ Ministri Nufi tregon kur vendoset dërgimi i trupave

Shqipëria pritet të zyrtarizojë javën e ardhshme angazhimin e saj në Forcën Ndërkombëtare Stabilizuese në Gaza.

Ministri i Mbrojtjes Ermal Nufi bëri me dije se vendimi do të kalojë në Këshillin e Ministrave, ndërsa hapi i parë do të jetë dërgimi i oficerëve të shtabit në strukturën ndërkombëtare.

Pas përfundimit të mbledhjes së qeverisë, ministri iu përgjigj pyetjes së gazetarit të Ora News, Bekim Bici, lidhur me planin e Shqipërisë për pjesëmarrjen në misionin ndërkombëtar dhe organizimin e Samitit të NATO-s në Tiranë.