Itali/ Takoi rastësisht në festë karabinierin që i kishte pezulluar patentën, shqiptari i dehur e sulmon atë dhe kolegët!

Një 45-vjeçar shqiptar në Pavullo, Modena është arrestuar pasi sulmoi karabinierët.

Incidenti ndodhi pak pas orës një të natës gjatë festës së birrës që zhvillohet pranë stadiumit.

Shqiptari, i cili në të kaluarën ka pasur probleme me drejtësinë: një dënim për drogë në vitin 2002 dhe, në vitin 2022, pezullim të patentës për drejtim mjeti në gjendje të dehur (por që tashmë i është rikthyer).

Të enjten në mbrëmje ai ndodhej në festë. Dukshëm i dehur, ai takoi një karabinier që në të kaluarën e kishte ndaluar për drejtim automjeti në gjendje të dehur. Karabinier ishte në festë me rroba civile, jashtë shërbimit, së bashku me disa kolegë të tjerë karabinierë (gjithsej ishin 7-8 persona), edhe ata veshur civil.