Deklarata e tij vjen në një kohë kur procesi i konstituimit të Kuvendit vazhdon të mbetet në qendër të vëmendjes politike, ndërsa partitë ende nuk kanë arritur një marrëveshje për zgjedhjen e kryetarit të Kuvendit dhe funksionalizimin e institucioneve.

Konjufca ritheksoi se propozimi i Vetëvendosjes është Albulena Haxhiu, duke lënë të kuptohet se partia do të vazhdojë të insistojë në këtë emër edhe në seancat e ardhshme.

Mbetet të shihet nëse partitë e tjera parlamentare do ta mbështesin këtë kandidaturë, apo nëse procesi do të vazhdojë të përballet me bllokada politike. Zhvillimet e ditëve në vijim pritet të jenë vendimtare për konstituimin e Kuvendit dhe formimin e institucioneve të reja të Kosovës.