Abazi ka bërë të ditur se është i gatshëm të bashkëpunojë me organet e drejtësisë dhe u ka bërë thirrje prokurorëve që po merren me rastin ta ftojnë për të dhënë dëshmi.

 

Publikisht kërkoj nga prokurori që ka marrë rastin në dorë të më dërgojë ftesë për dëgjim lidhur me Lule Gjelin, të cilin e kam takuar në Delaware në vitin 2021 me kërkesën e tij. Hera e parë dhe e fundit që kam komunikuar me atë njeri, por pasojat e luftës speciale kanë vazhduar deri në penetrimin e mediave dhe të opinionit dhe deformimin e së vërtetës”, ka deklaruar Abazi.

Sipas tij, takimi me personin që ai identifikon si “Lule Gjeli” kishte ndodhur në shtetin amerikan të Delaware gjatë vitit 2021, ndërsa ai thekson se nuk ka pasur komunikime të tjera pas atij takimi.

Deri më tani, nuk ka pasur një reagim zyrtar nga personat e përmendur në deklaratat e Abazit lidhur me këto pretendime. Gjithashtu, autoritetet kompetente nuk kanë bërë publike gjetje apo konkluzione që do t’i konfirmonin ose rrëzonin pretendimet e tij.

Deklaratat e mësipërme përfaqësojnë qëndrimet e Haki Abazit dhe mbeten objekt i verifikimeve eventuale nga institucionet përkatëse.