Përmes disa postimeve në InstaStory, Arbana tregoi se turi në DMZ zgjati rreth shtatë orë dhe se gjatë një pjese të madhe të itinerarit vizitorëve nuk u lejohej përdorimi i telefonave.

Ajo ndau edhe histori prekëse për familjet koreane që u ndanë pas luftës, si dhe për programin televiziv të vitit 1983 që ndihmoi në ribashkimin e shumë prej tyre.

“Një eksperiencë unike sidomos për ne shqiptarët që kemi përjetuar izolimin, arratisjet dhe komunizmin. Absolute must nëse e vizitoni Korenë.”, shkroi Arbana.

Ndonëse moderatorja nuk ka zbuluar ende detaje konkrete, postimet e saj kanë ngritur dyshime se udhëtimi në Azi mund të lidhet me një projekt të ri televiziv që pritet të prezantohet në muajt në vijim.