Sipas raportimeve, Haluci u kishte pohuar familjarëve se nuk ndihej mirë në shëndet, ndërsa pak minuta më vonë është gjetur pa shenja jete.

Vdekja e tij e papritur ka tronditur familjarët, të afërmit dhe komunitetin e juristëve.

Skënder Haluci ka një karrierë të gjatë në sistemin e drejtësisë shqiptare, ku ndër të tjera ka shërbyer si kryetar i Gjykatës së Vlorës, ndërsa më herët ishte larguar nga procesi i vetingut.

Rrethanat e sakta dhe shkaqet e humbjes së jetës pritet të përcaktohen zyrtarisht nga ekspertiza mjekoligjore.