Një video e publikuar në TikTok ka tërhequr vëmendjen e shumë njerëzve, ku Elijona shpreh shqetësimin e saj për planet e kryeministrit Edi Rama për ndërtimin e resorteve luksoze në këto zona të ndjeshme ekologjikisht.

“Ai mund të ndërtojë resorte. Ai mund të bëjë premtime. Por ai nuk mund të heshtë një gjeneratë që e di vlerën e vet,” ka shkruar ajo mbi video, duke e shoqëruar me mbishkrimin patriotik “Shqipëria e shqiptarëve”.

Kjo deklaratë e saj vjen si një vazhdimësi e angazhimit të saj për të mbrojtur natyrën nga betonizimi dhe shkatërrimi i pronave publike, një kauzë që e mban të angazhuar Elijonën.

Elijona, së bashku me Klodin, ka qenë aktive në protestat e organizuara kundër projekteve ndërtuese në Zvërnec, duke mbajtur një qëndrim të qartë në mbrojtje të bregdetit shqiptar dhe natyrës që e rrethon.