Xhaka ka publikuar në Instagram një poster ku shfaqen Hashim Thaçi, Kadri Veseli, Rexhep Selimi dhe Jakup Krasniqi. Në të janë vendosur mesazhet “Mos e Harroni Historinë!”, “JO NË EMRIN TIM” dhe “Liria e tyre është nderi ynë”.

Në një tjetër publikim, ish-futbollisti ka ndarë një fotografi të Kadri Veselit, të cilën e ka shoqëruar me mesazhin: “Gjithmonë me ju”.

 

Postimet e Xhakës kanë marrë vëmendje në media dhe rrjete sociale. Disa media serbe i kanë komentuar në mënyrë kritike, duke i cilësuar publikimet si “skandal”; ky është një përshkrim i përdorur nga ato media dhe jo një vlerësim i pavarur.

Reagimi i tij vjen pas aktgjykimit të 16 shtatorit, me të cilin Thaçi dhe Krasniqi u dënuan me nga 25 vite burg, Veseli me 18 vite dhe Selimi me 13 vite. Vendimi është i shkallës së parë dhe mund të apelohet.

Taulant Xhaka, me origjinë nga Kosova, ka përfaqësuar Shqipërinë në futbollin ndërkombëtar, ndërsa vëllai i tij, Granit Xhaka, ka përfaqësuar Zvicrën. Dy vëllezërit kanë qenë gjithashtu bashkëlojtarë te Baseli.