Dyshimet nisën pasi dy ish-partnerët hoqën njëri-tjetrin nga Instagrami, ndërsa nga profili i Elijonës u fshinë edhe fotografitë e përbashkëta. Pas këtyre veprimeve, në rrjet qarkulluan edhe pretendime të ndryshme për arsyen e ndarjes.
Elijona ka vendosur tashmë të flasë vetë, duke konfirmuar ndarjen, por pa zbuluar arsyen konkrete.
“Doja ta bëja publike se unë dhe Klodi tashmë nuk jemi më në lidhje”, shkroi ajo.
Ish-banorja theksoi se nuk dëshiron që marrëdhënia e saj të kthehet në temë diskutimesh publike dhe nuk dha asnjë konfirmim për pretendimet që kanë qarkulluar online.
“Ndonjëherë dy njerëz zgjedhin të vazhdojnë rrugët e tyre veçmas, edhe kur dikur kanë ndarë shumë bashkë”, u shpreh Elijona.
Ajo gjithashtu tha se ruan respekt për kohën që kanë kaluar së bashku dhe se nuk ka ndërmend ta kthejë ndarjen në një përplasje publike.
Kështu, ndarja mes Elijonës dhe Klodit tashmë është konfirmuar nga vetë Elijona, ndërsa arsyeja e ndarjes mbetet private. Pretendimet për një tradhti nuk janë konfirmuar prej saj.
Be First to Comment