Sipas portalit “Prapaskena”, gazetarja ka pësuar fraktura në gjymtyrë dhe ka marrë ndihmën e nevojshme mjekësore. Deri tani nuk janë bërë të ditura detaje të plota mbi rrethanat e aksidentit apo gjendjen e saj aktuale.
Aksidenti ka tërhequr vëmendje edhe për faktin se, sipas raportimit, ka ndodhur pak orë përpara transmetimit të një materiali të “Fiks Fare”, ku Xhakaj shfaqej duke ndjekur me mikrofon ish-zëvendëskryeministren Belinda Balluku dhe duke i kërkuar një përgjigje për disa pretendime të ngritura publikisht.
“Prapaskena” ka ngritur pikëpyetje mbi kohën e aksidentit dhe ka aluduar për një lidhje të mundshme me aktivitetin investigativ të gazetares.
Megjithatë, nuk ka prova që aksidenti të ketë qenë i qëllimshëm apo se ka ndonjë lidhje me Belinda Ballukun ose materialin televiziv. Për momentin, këto mbeten vetëm aludime dhe shkaku i aksidentit nuk është bërë i ditur.
Kamila Xhakaj është angazhuar më herët edhe në emisionin investigativ “Piranjat”, ndërsa së fundmi është bërë pjesë e “Fiks Fare”.
Detajet mbi gjendjen e saj shëndetësore dhe rrethanat e aksidentit pritet të sqarohen në vijim.
Be First to Comment