Përmes disa postimeve në Instagram, Lubonja ka ndarë fotografi dhe mesazhe të publikuara nga miqtë dhe ndjekësit e saj, duke dhënë sinjalin se po i rikthehet komunikimit me publikun.
Në një prej postimeve, aktorja ka rishpërndarë një fotografi të saj, të shoqëruar me këngën “Si Sheqer” të Elvana Gjatës. Në një tjetër, ajo ka publikuar një mesazh mbështetës nga një ndjekëse, ku rikujtohet edhe reagimi i saj i mëparshëm për cenimin e privatësisë.
Rikthimi vjen pas një periudhe të vështirë për aktoren. Miqtë e saj, Meridian Ramçaj dhe Ema Andrea, kanë folur publikisht për komunikimet me Monikën dhe për gjendjen e saj gjatë kësaj situate.
Megjithatë, në postimet e fundit Lubonja nuk ka bërë një deklaratë të re lidhur me çështjen, por ka zgjedhur të ndajë mesazhet e mbështetjes që ka marrë nga njerëzit pranë saj dhe ndjekësit.
Mbetet për t’u parë nëse aktorja do të reagojë sërish publikisht për ngjarjen apo do të vijojë me aktivitetin e saj normal në rrjetet sociale.
Be First to Comment