“Rrini bashkë”, kanë qenë fjalët që Klestori ua ka thënë familjarëve të tij në ato momente.

Këtë detaj e ka bërë të ditur gazetarja e Klan Kosovës, Rina Mujku, e cila e ka përcjellë nga afër seancën dhe zhvillimet në Hagë.

Fjalët e Klestor Veselit vijnë në një moment të rëndë emocional për familjen, pas disa viteve të procesit gjyqësor dhe pritjes për aktgjykimin.

Familjarët e Kadri Veselit kanë qenë të pranishëm në Hagë për të përcjellë nga afër zhvillimet e 16 shtatorit, ditë në të cilën trupi gjykues shpalli vendimin e shkallës së parë.

Gjatë ditëve para aktgjykimit, familjarë dhe mbështetës të ish-krerëve të UÇK-së kishin shprehur publikisht shpresën për një vendim lirues.

Mesazhi “Rrini bashkë”, i raportuar menjëherë pas përfundimit të kësaj faze të procesit, ka marrë vëmendje për shkak të momentit dhe rrethanave në të cilat është thënë.

Procesi juridik ndërkohë nuk përfundon me aktgjykimin e shkallës së parë, pasi vendimi mund t’i nënshtrohet procedurave të ankimit.